കേരള കലാമണ്ഡലം ലേഡീസ് ഹോസ്റ്റലിൽ യുവാവ് അതിക്രമിച്ചു കയറി; തിരുവനന്തപുരം സ്വദേശി പിടിയിൽ

ചെറുതുരുത്തി: കേരള കലാമണ്ഡലത്തിലെ വനിതകൾ താമസിക്കുന്ന ഹോസ്റ്റലിൽ നിന്നും തിരുവനന്തപുരം സ്വദേശിയായ മിഥുൻ (28) എന്ന യുവാവിനേയാണ് പിടികൂടിയത്. കഴിഞ്ഞ ഒരു ദിവസം മുഴുവനും യുവാവ് ഹോസ്റ്റലിൽ താമസിച്ചതായും അധികൃതരുടെ ഭാഗത്ത് വൻ സുരക്ഷ വീഴ്ച്ച സംഭവിച്ചതായും രക്ഷകർത്താകൾ ആരോപിച്ചു. സംഭവത്തിൽ തിരുവനന്തപുരം പേരയം പരിക്കത്തു വീട്ടിൽ മിഥുൻ കൃഷ്ണദാസിനെയാണ് ചെറുതുരുത്തി പോലീസ് പിടികൂടിയത്. കഴിഞ്ഞ വെള്ളിയാഴ്ച്ചയാണ് യുവാവ് ഹോസ്റ്റലിൽ കയറിയതായാണ് പ്രാഥമിക വിവരം. ശനിയാഴ്ച രാവിലെയാണ് സംഭവം അധികൃതരും ശ്രദ്ധയിൽ പെടുന്നത്. ഉടൻ തന്നെ ഹോസ്റ്റലിനടുത്തും പരിസരത്തും പരിശോധന നടത്തിയെങ്കിലും യുവാവിനെ കണ്ടെത്താനായില്ല. കലാമണ്ഡലത്തിലെ വിദ്യാർത്ഥിനിയുടെ മുറിയിൽ മിഥുനിനെ കണ്ടതായാണ് പരാതി. വിദ്യാർത്ഥിനിയെ ഭീഷണിപെടുത്തി മുറിയിൽ അടച്ചിട്ടിരുന്നതായാണ് പരാതി. മിഥുനുമായി വിദ്യാർത്ഥിനി മുൻപ് പരിജയത്തിലായിരുന്നെന്നും പറയുന്നു. തുടർന്ന് ചെറുതുരുത്തി പോലീസ് പ്രതിക്കായി ഊർജ്ജ അന്വേഷണം നടത്തി വരുന്നതിനിടയിലാണ് മിഥുൻ പിടിയിലാകുന്നത്. അറസ്റ്റു ചെയ്ത പ്രതിയെ കോടതിയിൽ ഹാജരാക്കും.