തിരുവനന്തപുരത്ത് ലഹരിയിൽ അഴിഞ്ഞാടി ഗുണ്ടാ സംഘങ്ങൾ; അക്രമം അഴിച്ചു വിട്ടത് കാപ്പാ കേസ് പ്രതി ശരത്തും കൂട്ടാളി ശ്യാമും

തിരുവനന്തപുരത്ത് ലഹരിയിൽ അഴിഞ്ഞാടി ഗുണ്ടാ സംഘങ്ങൾ. കാപ്പാ കേസ് പ്രതിയും റൗഡിയുമായ ശരത്തും കൂട്ടാളി ശ്യാമുമാണ് അക്രമം അഴിച്ചുവിട്ടത്. ഇന്നലെ രാത്രി ഒമ്പതുമണിയോടെ തൃപ്പാദപുരത്തെ ഫ്ലാറ്റിനുമുന്നിൽ ആയിരുന്നു അതിക്രമം ആരംഭിച്ചത്. ശരത്തും ശ്യാമും ചേർന്ന് ഫ്ലാറ്റ് നിവാസികൾക്കും പ്രദേശവാസികൾക്കും നേരെ കൊലവിളി നടത്തുകയായിരുന്നു. ഫ്ലാറ്റിലെ സെക്യൂരിറ്റി ജീവനക്കാരനെ മർദിക്കുകയും ചെയ്തു. ഇത് ചോദ്യം ചെയ്ത കെയർട്ടേക്കർക്കും മർദനമേറ്റു. പൊലീസ് എത്തുമെന്ന് അറിഞ്ഞതോടെ ഇവർ അവിടെ നിന്നും രക്ഷപ്പെടുകയായിരുന്നു. തുടർന്ന് പ്രതികൾ ദേശീയപാതയിൽ ഇൻഫോസിസിന് സമീപത്തെ ബാറിൽ പ്രശ്നമുണ്ടാക്കി. പലരെയും ആക്രമിക്കാൻ ശ്രമിക്കുകയും ചിലർക്ക് മർദനമേൽക്കുകയും ചെയ്തു. സ്ഥലത്തെത്തിയ തുമ്പ പൊലീസ് ഇവരെ കസ്റ്റഡിയിൽ എടുത്തു സ്റ്റേഷനിൽ എത്തിക്കുകയായിരുന്നു.