നീലേശ്വരം: ന്യൂഡൽഹിയിൽ നടക്കുന്ന ലോക പഞ്ചഗുസ്തി ചാമ്പ്യൻഷിപ്പിൽ ഇന്ത്യയുടെ ജഴ്സി അണിഞ്ഞ ചെറുവത്തൂർ മയീച്ചയിലെ കെ സി പ്രീതയ്ക്ക് വെങ്കലം 100 കിലോ മാസ്റ്റേഴ്സ് വിഭാഗത്തിലാണ് ലോക ചാമ്പ്യൻമാരോട് മത്സരിച്ച് പ്രീത രാജ്യത്തിനു വേണ്ടി വെങ്കല മെഡൽ നേടിയത്. ഗുജറാത്തിൽ നടന്ന ദേശീയ മത്സരത്തിൽ ഇടത്, വലത് കൈ വിഭാഗത്തിൽ ഇരട്ടസ്വർണം നേടിയാണ് പ്രീത ലോക ചാമ്പ്യൻഷിപ്പിൽ മത്സരിക്കാനായി തിരഞ്ഞെടുക്കപ്പെട്ടത്. ചെറുവത്തൂരിൽ ബ്യൂട്ടീ പാർലർ നടത്തുന്ന പ്രീത വ്യാപാരി വ്യവസായി എകോപനസമിതി ചെറുവത്തൂർ യൂണിറ്റ് വനിത വിഭാഗത്തിന്റെ പ്രസിഡന്റ് കൂടിയാണ്. നീലേശ്വരം ഫിറ്റ്നസ് വേൾഡ് ഹെൽത്ത് ക്ലബ്ബിലെ പ്രദീപും ശ്രീജേഷുമാണ് പ്രീതയുടെ പരിശീലകർ.
