മത്തങ്ങയും പാലും കൊണ്ടൊരു ക്രീമി ഡെസേർട്ട് ഉണ്ടാക്കിയാലോ? എളുപ്പത്തിൽ വീട്ടിൽത്തന്നെ തയ്യാറാക്കാം

നിങ്ങൾക്ക് ഡെസേർട്ടുകൾ ഇഷ്ടമാണോ? എങ്കിൽ ഒരു വെറൈറ്റി ഡെസേർട്ട് ഉണ്ടാക്കി നോക്കിയാലോ? അതും വീട്ടിൽ വെച്ചുതന്നെ. മത്തങ്ങയും പാലുമാണ് ഈ ഡെസേർട്ട് ഉണ്ടാക്കാൻ പ്രധാനമായും ആവശ്യം. എങ്ങനെ ഉണ്ടാക്കാമെന്ന് നോക്കാം.

പാൽ: 500 മില്ലി
കണ്ടൻസ്ഡ് മിൽക്ക്: 150 ഗ്രാം
കോൺഫ്ലോർ: 120 ഗ്രാം
പഞ്ചസാര: 100 ഗ്രാം
നിലക്കടല: 50 ഗ്രാം
തേങ്ങ ചിരകിയത്: ആവശ്യത്തിന്
വെള്ളം: ആവശ്യത്തിന്

തയ്യാറാക്കുന്ന വിധം

ആദ്യം മത്തങ്ങ വേവിക്കണം. വെന്ത ശേഷം കട്ടകളില്ലാതെ നന്നായി അരച്ചെടുക്കുക. കണ്ടൻസ്ഡ് മിൽക്ക്, പാൽ, കോൺഫ്ലോർ എന്നിവ ചേർത്ത് നന്നായി ഇളക്കി യോജിപ്പിക്കാം. ഇനി ഈ മിശ്രിതം അരിപ്പയിലൂടെ നന്നായി അരിച്ചെടുക്കുക. തരികൾ ഒഴിവാക്കാനായാണ് ഇങ്ങനെ ചെയ്യുന്നത്. ശേഷം ഒരു പാൻ അടുപ്പിൽവെച്ച് കുറഞ്ഞ തീയിൽ ഈ മിശ്രിതം കുറുക്കിയെടുക്കാം. ചെറിയ കുമിളകൾ വരുന്നത് വരെ തുടർച്ചയായി ഇളക്കിക്കണം. ഇനി ഇത് തണുത്ത ശേഷം 5 മുതൽ 6 മണിക്കൂർ വരെ ഫ്രിഡ്ജിൽ വെക്കുക. ഇനി കാരമൽ ലായനി തയ്യാറാക്കാം. ഇതിനായി പഞ്ചസാരയും കുറച്ച് വെള്ളവും ചേർത്ത് കാരമൽ ലായനി ഉണ്ടാക്കി, അതിലേക്ക് നിലക്കടലയും തേങ്ങ ചിരകിയതും ചേർത്ത് ഡെസേർട്ടിന് മുകളിൽ വിതറാം.